Dokumenter vedr. Inatsisartuts behandling af lovforslaget
Tilhører sager:
- Hovedtilknytning: Forslag til lov om ændring af lov for Grønland om kapitalkrav og tilsynsmæssige krav for kreditinstitutter og investeringsselskaber. (Gennemførelse for Grønland af visse ændringsforordninger til forordning (EU) nr. 575/2013 om tilsynsmæssige krav til kreditinstitutter og investeringsselskaber). (Bilag 5)
- Hovedtilknytning: Forslag til lov om ændring af lov for Grønland om kapitalkrav og tilsynsmæssige krav for kreditinstitutter og investeringsselskaber. (Gennemførelse for Grønland af visse ændringsforordninger til forordning (EU) nr. 575/2013 om tilsynsmæssige krav til kreditinstitutter og investeringsselskaber). (Bilag 5)
Aktører:
B forslag fra Naalakkersuisut.pdf
https://www.ft.dk/samling/20222/lovforslag/l107/bilag/5/2709393.pdf
Ordførerindlæg Naleraq.pdf
https://www.ft.dk/samling/20222/lovforslag/l107/bilag/5/2709398.pdf
UPA2023/41 Jens NapãtôK´, Naleraq 1 Taarsigassarsisitsisarfinnut aningaasaliisarnermillu ingerlatsivinnut aningaasaateqarnissamut piumasaqaatit nakkutilliinermullu piumasaqaatit pillugit Kalaallit Nunaanni inatsisip allanngortinneqarnissaanut siunnersuut ((EU) peqqussut nr. 575/2013 taarsigassarsisitsisarfinnut aningaasaliisarnermillu ingerlatsivinnut nakkutilliinermik piumasaqaatit) kiisalu aningaasalersuisarnermik ingerlatsineq pillugu inatsisini assigiinngitsuni aalajangersakkat Kalaallit Nunaannut atuutilersinneqarnissaanik peqqussummut ilaalernissamut siunnersuut kiisalu aningaasalersuisarnermi suliffiit ilaasa allatut ilusilersornissaat atorunnaarsinnissaallu pillugu inatsisip allanngortinneqarneranut inatsisit assigiinngitsut aamma aningaasaqarnermi patajaassuseq pillugu inatsisip atorunnaarsinneqarnera pillugu inatsisip Kalaallit Nunaannut atuutilersinneqarnerat pillugit peqqussummut Namminersorlutik Oqartussat ilanngunnissaat pillugu Inatsisartunut aalajangiiffigisassatut siunnersuut Aningaasaqarnermut Naligiissitaanermullu Naalakkersuisoq Taarsigassarsisitsisarfinnut aningaasaliisarnermullu ingerlatsivinnut aningaasaateqarnissamut piumasaqaatit nakkutilliinermullu piumasaqaatit pillugit Kalaallit Nunaanni inatsisip allanngortinneqarnissaanut siunnersuut aammaarluni ((EU-mi) peqqussut nr. 575/2013-imeersoq aallaavigalugu taarsigassarsisitsisarfinnut aningaasaliisarnermullu ingerlatsivinnut nakkutilliinermik piumasaqaatit). Taamatullu aningaasalersuisarnermik ingerlatsineq pillugu inatsisini assigiinngitsuni aalajangersakkat Kalaallit Nunaannut atuutilersinneqarnissaanik peqqussummut ilaalernissamut siunnersuut uani pineqartut ilagaat aammalu aningaasalersuisarnermi suliffiit ilaasa allatut ilusilersornissaat atorunnaarnissaallu pillugu inatsisip allanngortinneqarneranut inatsisit assigiinngitsut aamma aningaasaqarnermi patajaassuseq pillugu inatsisip atorunnaarsinnera pillugu inatsisip Kalaallit Nunaannut atuutilersinneqarnerat pillugit peqqussummut Namminersorlutik Oqartussat ilanngunnissaat pillugu Inatsisartut aalajanngiiffigisassaattut siunnersuut uani saqqummiunnertarpoq imatullu Naleqqamiit oqaaseqaateqarfigissavarput. Inatsit nunatsinnut atuutilerneqarnissaanik siunnersuut atuarlugu misissuataarnerani eqqarsariarnarpoq aammalu Upernavimmi nunaqarlunga Upernavimmiuulersimagama allamik Offentligt L 107 - Bilag 5 Grønlandsudvalget 2022-23 (2. samling) UPA2023/41 Jens NapãtôK´, Naleraq 2 oqarfiunngilaq: “asaa, Iah asaa” taamatullu oqareerlunga apererusuummernarpoq inatsit pingaaruteqartorujussuartut inissisimaffigineqarluni suliaasoq kikkunnut iluaqutaasussanngorlugu sanaajuva? Qanaarmiut Upernavimmiut Ummannarmiut Qeqertartsuup tunuani Paamiuni Nanortalimmi Tasiilami Ittoqqortoormiini Sornorumi Kangersuatsiami Kullorsuarmi ila nunarput tamaat isigalugu inoqarfiit tamaasa eqqarsaatigalugit qanoq una taakku iluaqutigissavaat? Taamatullu aamma aappatigut apeqqutigerusunnarpoq taakkununnga ajoqutaassua? Taarsigassartitsisarfinnut aningaaliisarnermillu ingerlatsiviit aningaasaqarnissamut nakkutilliinermullu piumasaqaatit pillugit EU-mut Qallunaat nunaannullu naleqqussaqqilernerput kikkunukua iluaqutissaanik suliaaqqilersoq? Sooruna nammineq nunatsinni nunap inuinut naleqqussarfiginissaanut niuernitsinnut nunap pissarititaanullu naleqqussarluta anguniagaqarsinnaanngitsugut? Piffissanngunngila nunatsinnut naleqqussaalluta inatsisitigut suliaqarlernissarput immitsinnut inorsittaarluta aammalu nunap inuinut naleqqutinngitsunut inatsiliortuarnerput nunap inuinut innarliisaartut isigaagut nammineq qanoq iliorluta naleqqussaassariaqalerpugut aammalu anguniagaqarnerusariaqalerpugut. Qallunaat Nunaata suna pisuussutigigamiuk soqarami sooruna taakkunnga naleqqussartuartariaqartugut? Qallunaat Nunaarannguat mikingaarami Qeqertarsuup tunuaniissinnaavoq taamatullu mikingaarami Ittoqqortoormiit kangerluaniissinnaavoq. Nunaarannguup suna pisuussutigigamiuk aallavigiuassuarput? Sooruna nunap inuinut iluaqutaasumik aqqutissiuisinnaanngitsugut? Inatsimmi Kalaallit Nunatsinnut atuutilerniarsarineqartumi taamatuttaaq aningaasalersuisarnermik ingerlatsineq pillugu aaliangersakkat assigiinngitsut Kalaallit Nunaannut atuutilersinneqarnissaannik peqqussummut ilaalersinnamut siunnersuut imaqarportaaq. Kikkunuku aningaasalersornissaannut aqqutissiuutileripput? Avannaani aalisartoqarfissuarmi aningaasaarpassuarnik nalilinnik nunatta pisuussutaanik qalluisut taakkununngalu akikinaarlugit akilersukkat selskabit millionilikkaanik avammut tuneqqittarneranni aningaasarsiortaasut qallugaat taakku taamatut pilersuisuusut motooriaarunik aningaaseriviit atukkersinnaanngilaalluunniit ingerlaqqinnissaanut uffalu aningaasarsiornerat ingerlaqqissinnaanngittoq motoreqanngikkunik. UPA2023/41 Jens NapãtôK´, Naleraq 3 Umiatsiaararsortut aningaaserivissuarnik mittatigineqarlutik attaartortinneqartassanngitsut oqaatigisaarpaat tamannalu selskabersuit atornerluttaarpaat aalisartut nammineersinnaassuseqarnarat innarlertaaraat tusaamaannarnagit takusinnaallugit isiginnaapagut qanoq iliuuseqarfiginaveersaarneqarput qaqileriuaraluarluta. Aalisartut nammineersinnaanerat killilersorpaat Selskabit aalisartut angallatinik tuneriarlugit imminut kisimi tunisisarnissaat pinngitsaaliissutitut piumasaralugu suliaraat allanut tuniseqqunagit, akinik kattuffik KNAPK allallu isumaqatigiinniarfigineqartussagaluartut innarlertaarpaat aalisartut ataasiakkaarlugit akinik isumaqatigiiffigisaarpaat akinik appasippallaanik tunisaarpaat. Aalisartortagut ajorluinnartunik atugassaqartippagut pilersuisugut attartorsinnaanerat killilersugaavoq aammalu atugaat innarlertaarneqarput. Taamatullu selskabersuit pisassaanik tunisaarpaat maannakkullu IOK tassalu nalilinnik pisassaqarlutik inissisimalernissaat anguniagaasoq malunnarpoq taamatut nalilinnik tuniorarneqalerpata ukiut tallimat kingumut pisarisimasaat ukiuni pingasuni pisaqarfiunerpaat tassalu tunisiffiunerpaat toqqammaviginiarpaat, aalisartut ilaat pisassaqartinnerullugit inissisimatippaat selskabiussuatta ilaalu ima ingasatigisumik killilersorpaat nunaqarfik tamaat karsit tallimaannaat ullormut tuniseqqusaapput, tassalu IOK orninneranni pisaqarnaveersaartinneqarput aaligooq IOK tunioraatilerpata pisarisimasaat aallaaviussasut - ajorpoq periuseriniarneqartut Nunaqarfinnut inoqarfinnut allaat Nuummi aalisartuni nammineq ingerlaniarsarisunut innarliisussanngorlugit suliarineqarneri eqqarsaatigilluagaanngillat nunap inuinut naleqqunnersumik aningaasarsiorfiusussanik pilersititsinissaq sapiissuseqarfiginerusariaqarparput. Aalisartunut mittailliijuarnerit unissappata tassaapput maannakkut aaqqiisussatuaalersut Kattuffiit suleqatigilluinnarlugit politikkikkut aaqqissuussinerit, maanna selskabit naalagiulullugit ingerlatsinerit ingasappallaarujussuarput aalisartorpassuit atorgarliortinneqarput selskabersuaatigut sinneqartoorujussuartaarlugit inissisimasut isiginngitsuusaarneqarput pisortaat millionilikkaanik tapisisaartut aalisartoq motoriminik aseruuttooruni aningaaserivinnut atorniarsinnaatitaanani inissisimasoq ilaa ajorpoq ajorluinnarpoq nunatsinnut naleqqunnerusumik sulisariaqalerpugut nunatsinnut naleqqunnerusumik anguiniagaqarsinnaaneq piginerulertariaqarparput. Selskabersuit pilersugaat pisassersugaat pitsaanerusumik aqqutissiuunneqalernerat aammalu pisassinneqarsinnaanissaat aallerinarsinnaasumik ornippagut tamakku tamaasa eqqumaariffigalugit sunniutipiluutigisassaat UPA2023/41 Jens NapãtôK´, Naleraq 4 eqqumaariffereqqissaagassanik ulikkaarput, taama ornitagut imaannaanngitsigisut sooruna Naalakkersuisut aningaasarsiorfitta pingaarnersaanut qanoq politikkeqalersaarnerlutik oqaaseqarnaveersaartut sooruna ammanerusumik ingerlatsinngikkaat aningaasarsiorfitta pingaarnersaannut aningaaseriveqarnikkut attartortitsisarnikkut sooruna suliaqarnerput salliutinnagu EU-mut minnerunngisumut Qallunaat Nunaannut Danmarkiarannguarmut pittoqqinneruinnarluta uani inatsisigut sooruna naleqqussarlugit inisseqqilersugut? Nammineq sooruna aallaviulluta suliaqalersinnaanngitsugut sooruna? Politikkerit anguniagaqanngippallaarnerput takorluusinnannginnerput peqqutaalluni atorfinittat naleqqussaaqqittuarnerat aammalu nunanut allanut naleqqussaqqittuarnerput qimannaveeqqagippununa? Taamatullu nunatsinni aningaasarsiorfissat nunap inuisa annertunerusumik aningaasarsiorfigisanngisaat tassaavoq nunami pisuussuterpassuagut aatitssanik ulikkaarpugut allamiut iluanaarutigalugit annissortuagaat, sooruna nunaqavissut annertunerusumik piginnittussanngorlugit aaqqissuusisinnaanngitsugut aningaaseriviit uagut aallaavigaluta ingerlatsiffiusut ilutigalugit. Isiginnaartuuinnarunnaarluta tamakku nunatsinni nunaqavissunik annertunerusumik pigineqartalernissaat avataaniit aningaasaleeqataasussat suleqatigalugit sooruna naleqqussaaffiginngikkigut. Soorlu avanersuup eqqaani piianeq nunaq qaavani tigooraannarlugit annissukkat nunaqavissut annertunerusumik piginneqataasussanngorlugit sooruna aqqissuussinnaanngikkigut ila anguniagaqarnerusinnaasariaqarpugut allamit suleqatigalugit uagut taakununngaannaq kiffaanaajunnaarluta taakkuinnaat iluanaartussaajunnaarlugit uagununa pisuussutigut pineqartut uagullu iluanaarutigissanagit iluarsisaariallitaagugassagut ila amerlaqaat. Aalisartut sulisartut taamatullu namminersortut pinngitsaalillugit aningaasaataannik utoqqalinissaanut pinngitsaalillugit oorisiaat 10 procent angullugit assaartorpagut aningaasaataat utoqqaligunik qitiusumiit inatsisit naapertorlugit tunioraattussanngorlugit aqunniarsarigatsigit, taamatullu aningaasaataannik naleqarnerulertitsinata maannakkut nunatsinni inuit aningaasaataat uninngasuuneranni inuiaqatigiit ikitsigaluta katersaat ima annaasaqaataatigilerput allaat maannakkut siorna ukioq mannalu annaasat ima ingasatigilerput milliard-it sinnerlugit annaaneqarlutik. Inuit ataasiakkaat utoqqalinissaminut nammineq oorisiaannit ilanngaallugit pisortat katersugaat akileraarusoreerpaat nungungajallugit ooriutaat erniortinnagit taavalu maannakkut allaat annaasaqartorujussuusarlutik inissisimallutik. Inuit katersatik ikiliartuinnartut nammineq ooriutaat UPA2023/41 Jens NapãtôK´, Naleraq 5 pisortat pinnguaraat allaat inuiaat ikitsigaluta katersat ukioq qaangiuttumi SISA qiviaannarutigu pisortat toqqortariniarlugit inuit ooriutaat pinngitsaalillugit tigooqqakkat 2022-imiinnaq 716 mio kr- inik ikileriarput aap ilumoorpoq SISA-miinnaq annaaneqarput inuit ooriutaat 716 mio kr-it sooq inuit nammineq tigummillugit sulitiinnarsinnaanngilaat ooriutitsik imaluunniit nammineq aqutaminnik sooq nunatsinni katersuinertik ingerlassinnaanngilaat, ilaa katersiniaannarluta innaasaqartaannguaqaagut utoqqaliumaartunut oorit taamanikkut atugassaraluagut annaasaarpagut aningaasat inuiaqatigiinni sulisussaagaluartut kaaviaartussaagaluartut ilanngartorpagut annaasaqarujussuartaarluta – susugununa? Pikkorninerusariaqarpugut.’ Ingerlanerput ajorpoq ata ajorneraanerput uparuartuiinnarnertut taanagu ujartueqatigiitta periarfissaasinnaasunik nunap inuinut naleqqunnerusunk ujartuinissatsinnut. Taamaammanuna Naleqqamiit tamakku tamaasa pingaartillugit uagut nammineq aallaavigilernissatsinnut aningaasarsiornikkut aammalu aningaaseriveqarnikkut anguniagassanik pingaarutilinnik arlalinnik suliaqarnikuusugut. Ataatsimut oqaatigalugu uagut imminut aallaavigaluta nunaqarsuarmioqataalluta inissisinnaavugut. Soorlut aallarniinni Naleqqamiit oqaaseqatigigipput Qallunaat Nunaat Danmarkiaraq soqarami? Imatut paasineqassaaq uagut nunarput imartamini pisuussutinik ulikkaarpoq ilaanarpoq inuiaat iluanaarutiginerusariaqarpaat aammalu aningaaseriviit taakku nunap inui aningaasarsiornerunissaat aqqutissiueqataaffiginerusariaqarpaat. Pisuut arsaartorlugit pissakinnernut akilersuititsiunnaarluta tamatta piitsuusussanngorluta inissimajunnaarluta pisuut amerlasoorpassuanngortissinnaavarput tassa nunarput taama pisuutigaaq – pisuussutinik ulikkaarpugut, inuusuttut pikkorissorpassuit takkusuupput taakku suleqatigalugit pisuussutigut nunatsinni naleqqussalerniartigit allat naleqqussarfigiunnaarlugit. Nunarput nammineq aningaasaqarnermik ingerlatsivimmik immikkoortoqalernissaa sulissutigsiariaqalerparput, tamannalu piaarutmik suliarisariaqalerparput nunanut allanut ingammik Qallunaat nunaanni pituttorneroqqilluta makku inatsisit uani suliarisagut kisimik piunnaarlugit nammineq takorluugaqarnerulluta anguniagaqarnerusariaqalerpugut. Taamatullu UPA2023/41 Jens NapãtôK´, Naleraq 6 • Nammineq aningaaseriveqalernissaa (illuliornermi atorniartarfik ilanngullugu) • Nammineq nalilinnik aningaaserivinnik peqalernissaa aqqutissiuutariaqarparput Nammineq sillimmasiisarfeqalernissarput angusariaqarparput oorit aninaannarput • Taamatullu Soraarnerussutisianut Aningaasaateqarfeqarnitta naleqqunnerusumik nunatsinnullu tunngaveqarnerusumik ingerlatsilernissaa angusariaqalerparput aallartittariaqarluinnarpugut. Tassa Naleqqa sulinitsinni uagut toqqammaveqarluta sulisarpugut oqartuartaaginnarata, anguniartuartariaqaratsigu nunatsinni ullumikkumiit annertunerujussuarmik aningaasat kaaviaartinneqarnerulernissaat, inerisaanermullu atornerunissaat angullugu aningaasat avammut ingerlaannaq ”eqqaannarunnaarlugit” annissuinnarunnaarlugit nunap inui pisuunerulernissaat aqqutissiuunnissaat piffissanngorpat. Suliat uani pineqartut maannakkut avataanut naleqqussaaffiusussat aallaaviginerat kisimi uggoreqaarput uagut nammineq allaaviuluta naleqqussannginnatta Naleqqamiit neriuutigeqaarput uku naleqqussaaniarnerit Naalakkersuisooqatigiit saqqummiussaat EU-p inatsisaanut Qallunaat Nunaannullu naleqqussaqqinnerit pituttorneroqqinnissamut saqqummiunneqartut innuttaasunut nunap inuinut ajornerusumik taamatullu atukkanut ajoreersunut ajornerulersitsinermik nerioqaagut kinguneqartitsissanngitsut. Taamatut oqaaseqarluta anguniagassatut saqqummiussagut ilanngullugit nalilersorneqaannaratik qaqilerneqassasut neriuutigalutigu siunnersuut taamatut Naleqqamiit oqaaserfigaarput - Qujanaq
Forelæggelsesnotat fra Naalakkersuisut.pdf
https://www.ft.dk/samling/20222/lovforslag/l107/bilag/5/2709394.pdf
Svarnotat Naal. 2. behandling.pdf
https://www.ft.dk/samling/20222/lovforslag/l107/bilag/5/2709400.pdf